کابل - وزارت امور خارجه از نتایج نشست تهران میان شماری از نمایندگان جمهوری اسلامی افغانستان و گروه طالبان استقبال می‌کند.

دولت جمهوری اسلامی افغانستان هر اقدام و تلاش حقیقی را که منجر به تحقق خواست برحق مردم و دولت افغانستان برای ختم جنگ، تأمین صلح پایدار و حفظ دستاوردهای بیست سال پسین گردد، به دیده قدر نگریسته از آن حمایت می‌کند.

ما از تلاش‌های جمهوری اسلامی ایران در راستای پیشرفت روند صلح افغانستان قدردانی نموده امیدواریم این تلاش‌ها سبب پایان خشونت‌ها و آغاز مذاکرات جدی به‌هدف تأمین صلح پایدار و سراسری در کشور گردد.