سه شنبه ۱۲ حمل ۱۳۹۹، ۱۰:۳۱ پیش از چاشت به وقت محلی کابل
وروستي خبرونه

وروستي خبرونه (351)

د دوبۍ له هوایی ډګر او نوي ډهلي ښار څخه د هغو افغان وګړو انتقال چې د پروازونو د لغو کیدلو له کبله زنډیدلي وو

کابل – د بهرنیو چارو وزارت د عامې روغتیا او ملکي هوایي چلند ادارې سره په همغږۍ کې او د کرونا ویروس د پراختیا د مخنیوي د اضطراري کمیټې د فیصلې پر بنسټ د هغو افغانانو د انتقال زمینه د داخلي هوايي شرکتونو د خاصو پروازونو په مټ برابره کړه چې د دوبۍ په هوايي ډګر او نوي دهلي ښار کې د پروازونو د لغوه کیدلو له کبله زنډیدلي وو.

هغه ۶۳ تنه افغانان چې د دوبۍ په هوايي ډګر کې زنډیدلي وو هیواد ته راستانه شول. یو ډیر شمیر افغان وګړي چې په نوي دهلي کې زنډیدلي، نن او راتلونکو ورزو کې د بیلابیلو پروازونو په ترڅ کې هیواد ته راستانه شي.

په افغانستان کې د منځنې آسیا هیوادونو سفیرانو سره دبهرنېو چارو وزارت د سیاسي معین او سرپرست ویدیو کنفرانس: د کالیو ترانزیت بهیر لپاره د منځنې آسیا هیوادونو پولې پرانیستې دي

کابل - محمدهارون چخانسوري د بهرنیو چارو وزارت سیاسي معین او سرپرست نن له غرمې وروسته د هغه ویدیو کنفرانس په ترڅ کې چې په دې وزارت کې جوړ شوی وو د اوزبیکستان، ترکمنستان، قزاقستان او قرغیزستان سفیرانو سره خبرې وکړې.
په سر کې د بهرنیو چارو وزار سرپرست د یادو هیوادنو سفیرانو ته د نوي کال د مبارکۍ ویلو سره د دې ویدیوکنفرانس موخه، د کرونا وایرس سره د مبارزې لپاره د ګدو روغتیايي همکاریو پر میکانیزم د طرحې مسودې باندې بحث او دافغانستان له لارې شویلي آسیا سیمی ته د منځنې آسیا توکو د لیږد بهیر باندې بحث وبلله.
یاده طرحه تیره اوونې د افغانستان په ابتکار له مرکزي آسیا هیوادونو سره شریکه شوې وه او ددغې طرحې اصلي موخه د کرونا وایرس له کبله په سوداګرۍ او ترانزیت بهیر کې د رامنځته شويو ننګونو له منځه وړلو لپاره د ګ‌‌‌‌‌‌‌‌‌‌‌ډ‌و همکاریو لپاره د یو میکانیزم رامنځته کول دي. همدارنګه ښاغلي چخانسوري وویل چې د مرکزي آسیا هیوادونه د اړین خوړو او طبي توکو تولید په برخه کې د ښو وړتیاوو څخه برخمن دي چې کولای شي یاد توکي د افغانستان له لارې ایران او سویلې آسیا ته یې ولیږدوي. همدا شان د دغه وایرس سره موثرې مقابلې لپاره د همکاریو او همغږۍ د عرصو پیژندنه اړینه ده او کولای شي په ورته وخت دا ګواښونه کم کړي او هم د مرکزي آسیا توکي او د خوړو توکو لیږد نورو هیوادو ته د افغانستان له لارې تامین کړي. همدارنګه، د دغه همغږې او همکارۍ میکانیزم څخه په ګټه اخیستلو سره د کرونا وایرس د شیوع د مخنیوي په برخه کې د تجاربو د بدلولو زمینه رامنځته کیږي.
وروسته، یادو سفیرانو د دغې طرحې په اړوند خبرې وکړې او دا طرحه یې په پرنسیب کې تایید او زیاته یې کړه چې دا طرحه د دوی په هیوادونو کې د ارزونې په حال کې ده او په راتلونکو ورځو کې به د دې طرحې د پلي کولو لپاره خپل وړاندېزونه افغانستان سره شریک کړي.
د کنفرانس په ترڅ کې، د اوزبیکستان، ترکمنستان او قزاقستان سفیرانو وویل چې ترانزیتي لاره د سوداګريزو توکو لیږد لپاره د ېادو هېوادو ترمنځ په عدي‌ ډول پرانیستې ده. همدارنګه د اوزبیکستان سفیر افغانستان ته د خوراکي توکو د لسو لاریو د مرستې خبر هم ورکړ.
په پاې کې، دبهرنیو چارو وزارت سرپرست د یادو هیوادونو د فعال ګ‌‌‌‌‌‌ډون او د اوزبیکستان هېواد د مرستو څخه مننه وکړه او وویل چې دکرونا نړیوال وایرس او د دې څخه رامنځته شویو ننګونو سره مبارزه د نړۍ هېوادونو همکارۍ او همغږې ته اړتیا لري.

د بهرنیو چارو وزارت د دفتر د ریاست د عمومي رئیس د پیژندګلوی مراسم

کابل – ښاغلی محمد عتیق ذکي چې تر دې ده مخه یې په آسترالیا کې د افغانستان سفارت د مستشار وزیر مختار په صفت دنده ترسره کوله، نن په بهرنیو چارو وزارت کې د دفتر د عمومي رئیس په توګه دنده پیل کړه. نوموړی د وزارت د سرپرست ښاغلي محمد هارون چخانسوري او د اقتصادي همکاریو د معین میرویس ناب لخوا د یوې غونډې په ترڅ کې د وزارت رهبری ته وروپیژندل شو.

کابل ته د اندونیزیا جمهوریت د بهرنیو چارو وزیرې سفر

کابل – د اندونیزیا د بهرنیو چارو وزیره میرمن رتنومرسودي،  چې د یوه لوړ پوړي دولتي پلاوي مشري کوي؛ نن سهار  کابل ته راغله او په کابل نړیوال ډګر کې ېې د بهرنیو چارو وزارت سیاسي معین او سرپرست ښاغلي محمدهارون چخانسوري له خوا هرکلی وشو.

دواړو لورو د سولې پروسې په هکله په تېره بیا د اسلامي همکارۍ سازمان د رول پراهمیت او د افغانستان د سولې په اړه د سیمه ییزې اجماع رامنځته کولو، په دې پروسه کې د افغان ښځو د نقش، په افغانستان کې د اسلامي پوهنتون تاسیس او همدغه راز دواړو هېوادونو ترمنځ د سیاسی، اقتصادي او فرهنګي همکاریو په تړاو خبرې وکړې او خپل نظریات ېې سره شریک کړل.

بهرنیو چارو وزیر د افغانستان د سولې په پروسه کې د اندونیزیا له هلو ځلو څخه په ځانګړې توګه په هغه هېواد کې سولې په تړاو د علماو کنفرانس په جوړولو کې د هغوی له اغیزمن رول څخه په مننې سره، په بیلابیلو برخو کې له هغې جملې د افغان ښځو په پیاوړي کولو کې له هغه هېواد څخه قدرداني وکړه.

د دې سفر په دوام کې،  ټاکل شوې ده، سبا، د سیاسي سلامشورو دویمه ناسته د دواړو هېوادونو د بهرنیو چارو وزارت د مربوطه رئیسانو په کچه په بهرنیو چارو وزارت کې جوړه شي.

د هند بهرنیو چارو وزارت معین سره د بهرنیو چارو وزارت سیاسي معین او سرپرست لېدنه

کابل – د بهرنیو چارو وزارت سیاسي معین او سربرست محمدهارون چخانسوري نن غرمه، د هند د بهرنیو چارو مرستیال وزیر  هرش وردان  شرینګلا سره  ولېدل.

په پیل کې شاغلي شرینګلا، د جمهوري نظام ټینګښت او راتلونکو ۵ کلونو لپاره د افغانستان اسلامي جمهوريت جمهور رئیس جلالتمآب محمد اشرف غنی د بیا ټاکنې مبارکی وویله او د افغانستان حکومت او خلکو سره د اوږد مهالو همکاریو تداوم  په تړاو  ېې د خپل هېواد  ژمنه اعلام کړه.

ښاغلي چخانسوري په خپل وار سره، افغانستان کې د ټاکنو د پایلو او د جمهوري نظام  د ټینګښت په تړاو د هند حکومت دریځ له اعلامولو  څخه د مننې څرګندولو په ترڅ کې، افغانستان لپاره د هغه هېواد د پرمختیايي پروژو په تړاو ېې د هند همیشنیو همکاریو څخه مننه او قدرداني څرګنده کړه.

د خبرو په دوام کې، دواړو لورو د افغانستان د سولې پروسې، د سیمی هیوادونو ترمنځ  د ولسونو تر منځ د اړیکو  د پیاوړتیا او  په دې لاره کې د سیمه ییزی اجماع رامنځ ته کولو په ګډون د بیلابیلو سیاسي، امنیتي،اقتصادي، ترانزیتی او فرهنګي موضوعاتو  په اړه، سولې په هکله د سیمې د هیوادونو د اجماع د رامنځ ته کولو په اړه خبرې وکړې او افغانستان کې یې سوله او ثبات د سیمی سوکالی، هوساینېاو ثبات لپاره مهم وبلل.

په پای کې د کرونا ویروس له خپرېدو څخه د رامنځ شویو ستونځو په اړه خبری وشوې. دواړه لوريو د دغې نړیوالی پدېدې سره د مبارزې په اړه د ګډو همکاریو ژمنه وکړه.

افغانستان لپاره د اروپايي ټولنې له ځانګړي استازي سره د بهرنیو چارو وزارت سیاسي معین او سرپرست لېدنه

کابل – د بهرنیو چارو وزارت سیاسي معین او سرپرست ښاغلي محمد هارون چخانسوري، نن له غرمې وروسته، افغانستان لپاره د اروپايي ټولنی له ځانګړي استازي ښاغلي رولاند کوبیا سره ولېدل.

 په پېل کې، دواړو لورو په یو لړ بیلابیلو مسئلو، په تېره بیا د افغانستان د سولې بهیر او سولې په تړاو د سیمه ییزې اجماع رامنځ ته کولو په تړاو بحث او خبرې وکړې.

 په دې لېدنه کې، همدغه راز په سوداګری او ترانزیټ او سیمه ییزی نښلېدا کې د افغانستان په موقعیت، او په دې برخه کې د اروپايي ټولنې پر رول باندې خبرې وکړې او نظریات ېې سره شریک کړل.

 په پای کې، ښاغلي کوبیا د ښاغلي چخانسوري د پورته یاد شویو ټکو په تړاو د اروپايي ټولنې له همکاریو اطمینان ورکړ او ښاغلي چخانسوري په خپل وار  افغانستان کې د سولې له پروسې، ټيکاو او دموکراسۍ څخه د اروپايي ټولنی له دوامدار او هراړخیز ملاتړ څخه مننه او قدرداني وکړه.

د چین د خلکو جمهوریت سفیر سره د بهرنیو چارو وزارت سیاسي معین او سرپرست لېدنه

کابل – د افغانستان اسلامي جمهوریت د بهرنیو چارو وزارت سیاسي معین او سرپرست محمد هارون چخانسوري نن له غرمې وروسته، په کابل کې استوګن د چین د خلکو جمهوریت سفیر ښاغلي وانګ یو سره ولېدل.

په دې لېدنه کې، دواړو لورو د سولی پروسې، او د تاوتریخوالي کمولو او همدغه راز افغانستان او چین ترمنځ د اړیکو او همکاریو پر پراخوالي په ځانګړې توګه د کرونا ویروس څخه د رامنځ ته شویو ستونځو او د هغو په وړاندی د مبارزې د لارو چارو په تړاو خبرې وکړې.

د خبرو په دوام کې، د بهرنیو چارو وزارت سیاسي معین د ټاکنو د پایلو په اړه د چین د خلکو جمهوریت د دريځ له اعلامولو او افغانستان کې سولی او ټیکاو څخه د هغه هېواد له ملاتړ څخه مننه او قدرداني وکړه او دواړو لورو کرونا ویروس سره مجادلې په تړاو د همکاریو پر اهمیت باندې تاکید وکړ.

د PS752 الوتنې د پېښې قربانیانو لپاره د همغږۍ او ځواب ویلو نړیواله ډله: ایران سره د همکاریو په چوکاټ کې پرمختګ

کاناډا، اوکراین، سوېډن، افغانستان او انګلستان هېوادونه چې د د PS752 الوتنې د پېښې قربانیانو لپاره د همغږۍ او ځواب ویلو د نړیوالې ډلې غړي دي، خپله دویمه حضوري ناسته نن د مونیخ امنیتي کنفرانس په څنډه کې ونېوله څو « ایران سره د همکاریو چوکاټ» په برخه کې د خپل کار پرمختګ، چې د ۲۰۲۰ کال د جنوری په ۱۶ مه نېټه په لندن کې وړاندې شوې وه، نوره هم زیات کړي.

ټاکل شوې ده نن، د همغږۍ ډلې غړي وزیران د ایران بهرنیو چارو وزیر ته یو لیک وسپاري چې په هغه کې دوی د قربانیانو کورنیو او خپلوانو لپاره د حساب په ورکولو، روڼتیا او عدالت او اتمام حجت باندې تاکید کوي.

د همغږۍ ډلې غړي وزیرانو ښاغلي ظریف سره د خبرو اترو یوی ناستې په بهیر کې ټینګار وکړ چې ایران  د ډېرو مهمو پوښتنو هواري په لاره کې، د یادې الوتکی لویدو سره اړوند قضېې او حقوقي مسایلو اړوند حقایقو د هواري په لاره کې لازم اقدامات ترلاس لاندی ونیسي. د ډلې غړي وزیران د ملکي هواېي چلن نړیوال سازمان معیارونو سر مطابق د ایمني مسایلو په اړه د یوې شفافې او بشپړی څېړنې غوښتونکي شول. هغوی همدغه شان غوښتنه وکړه څو په خپل وخت او په برابره توګه او دغه راز نړیوال عرف له مخې د خسارې جبران تادیه شي. په پای کې، د همغږۍ ډلې وزیرانو ایران څخه وغوښتل څو د PS752 الوتکی د لوېدو په هکله بشپړ او شفاف تحقیقات وکړي.

د همغږي ډلې پر پاسنیو موارد سربېره، د هوايي چلن ښه والي او جنګي سیمو سره نږدې او یا هغه د پاسه د هوايي سفر امنیت پر اړتیا باندی هم بحث او خبرې وکړې.

۲۰۲۰ د فبروری ۱۵ مه – د آلمان مونیخ ښار- Global Affairs Canada

کابل کې استوګن آسترلیا سفیر سره د بهرنیو چارو وزارت سیاسي معین او سرپرست لېدنه

کابل – د بهرنیو چارو وزارت سیاسي معین او سرپرست  محمد هارون چخانسوري، نن له غرمې وروسته، په کابل کې استوګن آسترلیا سفیر ښاغلي جیف توت  سره ولېدل.

په پېل کې، د آسترلیا سفیر ښاغلي چخانسوري ته د نوي مسئولیت مبارکي ورکړه، په هغه هېواد کې د اوروژنې  په برخه کې د وروستیو انکشافاتو او په حیواناتو او اقلیم باندې د هغوی د ناوړه  اغیزو په تړاو مالومات وړاندې کړل.

 ښاغلي چخانسوري آسترلیا سفیر سره د خواخوږۍ څرګندولو ترڅنګ وویل چې د افغانستان خلک په دغو سختو حالاتو کې د آسترلیا د خلکو ترڅنګ ولاړ دي.

دواړو لورو همدغه راز د بیلابیلو موضوعاتو په شمول د تحصیلی برنامو،  د دواړو هېوادونو د ولسونو ترمنځ  د  اړیکو  او د افغانستان د سولې د هلو ځلو د وروستیو انکشافاتو په تړاو بحث وکړ.

کابل کې استوګن د آغاخان انکشافي شبکې سفیرې سره د بهرنیو چارو وزارت سیاسي معین او سرپرست لېدنه

کابل – د بهرنیو چارو وزارت سیاسي معین او سرپرست  محمدهارون چخانسوري، نن له غرمې وروسته، په  کابل کې د آغاخان انکشافي شبکې سفیرې میرمن شهرزاد هرجي سره  ولېدل.

په سرکې، د آغاخان د شبکې سفیرې ښاغلي چخانسوري ته د نوي مسئولیت او دندې د مبارکي ویلو په ترڅ کې  په افغانستان کې د دې شبکې د پرمختیايي پروژو په تړاو مالومات ورکړل. نوموړې همدغه راز،  ښاغلي چخانسوري ته د دې بننسټ د نوې پروژې،  “د چټکې سوکالی” په اړه چې اساسي موخه به یې ځوانانو ته د کار او بوختیا پر فرصتونو راڅرخیږي، مالومات وړاندي کړل.

ښاغلي چخانسوري په افغانستان کې  د آغاخان انکشافي شبکې له هڅو او فعالیتونو قدرداني وکړه  او د افغانستان په اقتصادي فرصتونو او  په وچه کې  ایسار او محدود یوه هېواد څخه د سیمې په  یوه نښلوونکې هېواد د افغانستان د بدلولو د لیدلوري په هکله ېې لازم  توضیخات  وړاندې کړل

Go to top