یکشنبه ۳۱ سنبله ۱۳۹۸، ۱۰:۳۸ پیش از چاشت به وقت محلی کابل
وروستي خبرونه

وروستي خبرونه (239)

د بهرنیو چارو وزارت د ویندوی خبري ناسته

کابل – د افغانستان اسلامي جمهوریت د بهرنیو چارو وزارت ویاند صبغت الله احمدي، په یوې خبري ناسته کې د وروستیو تحولاتو په اړه مالومات ورکړل.

ښاغلي احمدي سیمې هېوادونو ته د طالبانو ډلې د وروستیو سفرونو په تشریح کولو سره زیاته کړه: « د افغانستان دولت د سیمې او نړۍ هېوادونو له هلو ځلو څخه د افغانستان دولت او طالبانو د استازو ترمنځ د مخامخ خبرو اترو د زمینې جوړولو لپاره هر کلۍ کوي.

هغه دغه شان وویل:« ډېر احتمال لري چې د آمریکا او طالبانو خبرې اتری کېدی شي ډېر ژر بیرته پېل شي.

په پای کې ېې د خبریالانو پوښتنو ته هم ځوابونه وویل شول.

افغانستان کې د آغاخان بنسټ سفیر سره د بهرنیو چارو وزارت د سیاسي معین د مخه ښې لېدنه

کابل ـ د افغانستان اسلامي جمهوریت د بهرنیو چارو وزارت سیاسي معین ادریس زمان، افغانستان لپاره د آغاخان بنسټ سفیرې میرمن نورجهان موانی سره د مخه ښې لیدنه وکړه.

ښاغلي زمان افغانستان کې په بیلابیلو برخو کې د آغاخان بنسټ له مرستو او فعالیتونو څخه قدرداني وکړه.  میرمن مواني چې په افغانستان کې ېې د آغاخان بنسټ د سفیری په توګه شپږ کاله کار کړی،  هغې یادونه وکړه چې تلپاتې او نه هېرېدونکو خاطرو سره، افغانستان سره مخه ښه کوي.

د شهید اونۍ او د ملي اتل احمدشاه مسعود د شهادت د اتلسم تلین او د پخواني جمهور رئیس او د سولی شهید استاد برهان الدین رباني د شهادت د اتم تلین درناوۍ وشو

کابل – د یوه  پرتمین محفل په ترڅ کې پداسی حال کې چې د هېواد اجرائیه رئیس جلالتمآب داکټر عبدالله عبدالله ، د بهرنیو چارو وزیر جلالتمآب صلاح الدین رباني، د شهید مسعود د بنسټ مشر احمدولي مسعود، د کابینی غړو، دولتی لوړ پوړو چارواکواو په کابل کې استوګن یو شمیر بهرنیو سفیرانو او دېپلماتانو ګډون درلود د شهید اونۍ او د ملي اتل احمدشاه مسعود د شهادت د اتلسم تلین او د پخواني جمهور رئیس او د سولی شهید استاد برهان الدین رباني  د شهادت  لد اتم تلین درناوۍ وشو.

محفل د کلام مجید د مبارکو آیتونو په تلاوت او د هېواد دملي سرود په خپرولو سره پېل شو. د بهرنیو چارو وزیر په خپلې پرانیستونکې وینا کې د آزادۍ د لارې شهیدانو روح ته په ځانګړي توګه ملي اتل او د سولې شهید روح ته د دعا ډالۍ کولو ترڅ کې وویل: آزادي او د هېواد  او سنی لاسته راوړنې د هغو شهیدانو د قربانیو حاصل دي چې پدې خاوره کې ېې آزادۍ او سولې څخه د دفاع لپاره خپل ځانونه قربان کړي دي. . هغه د لاسبریاو  په ساتلو سره د تلپاتې سولې په راتلو ټینګار وکړ، عزتمنه سوله ېې د هېواد دشهیدانو همېشنۍ هیله وبلله.

د هېواد اجرائیه رئیس هم د هېواد د شهیدانو سپېڅلی روح ته د دعا ډالۍ کولو ترح کې، زیاته کړه: د هېواد ملی اتل، د سولی شهید استاد برهان الدین رباني او په سلهاو تنو نورو په هېواد کې سولې او آرامی  ته رسېدو لپاره خپل سرونه قرباني کړي دي.

په بهرنیو چارو وزارت کې د ټاکنو ورځې امنیتي ناسته دایره شوه

کابل -– د افغانستان اسلامي جمهوریت د بهرنیو چارو وزارت، سفارتخونو او نړیوالو سازمانونو لپاره د ټاکنو د امنیتي تدبیرونو د توضیحاتو په اړه ناسته ونېوله.

د بهرنیو چارو وزارت سیاسي معین او سرپرست ادریس زمان د افغانستان امنیتي لوړپوړو امنیتي چارواکو په حضور او په کابل کې استوګن د بهرنیو سفیرانو او د ناتو، اسلامي همکاریو سازمان او د آغاخان د پرمختیايي شبکې د نړیوالو سازمانونو د  استازو په ګډون د دې ناستې مشري وکړه.

د بهرنیو چارو وزارت سرپرست، د خپلو پېلیزو خبرو په وړاندې کولو سره د امنیتي تدبیرونو نېول د ټاکنو د تابیاو او چمتوالي مهمه برخه وبلله.

د  کورنیو چارو وزیرخپلو خبرو په ترڅ د ناستې ګډونوالو ته، د ټاکنو امنیت په تامینولو کې د پولیسو له هراړخیزو هڅو ډاډ ورکړ.

نورو ویناوالو هم د اړوند موضوعاتو په تړاو لکه په لرې پرتو سیمو کې د ټاکنو عملي کول، احتمالي ګواښونو او همدغه راز ټاکنو لپاره د چمتوالي او پروګرامونو په تړاو خبرې وکړې.

له تخصصي خبرو اترو وروسته، ګډونوالو خپلې کتنې او ملاحظات او پوښتنې هم مطرح کړې. 

د هند جمهوریت سفیر سره د سیاسي معین لېدنه

 

کابل – د ا. ا. ج. د بهرنیو چارو وزیر ادریس زمان، په کابل کې د هند جمهوریت سفیر ښاغلي ویني کمار سره ولېدل.

دواړو لورو د دوه اړخیزو اړیکو د لاځواکمنولو او د سیمه ایزو لا زیاتو همکاریو، د سولې خبرو اترو او هېواد کې د روانو سیاسي حالاتو د  وروستیو تحولاتو په تړاو بحث وکړ.

 

افغانستان لپاره د قطر لومړني سفیر سره د بهرنیو چارو وزیر لیدنه

کابل – د افغانستان اسلامي جمهوریت د بهرنیو چارو وزیر جلالتمآب صلاح الدین رباني په کابل کې د قطر لومړني سفیر ښاغلي سعید مبارک الخیارین الهاجري سره وکتل.

ښاغلي الهاجري د بهرنیو چارو وزیر ته د خپل باورلیک کاپي وړاندې کړه او زیاته يې کړه، خوښ یم چې په لومړي ځل په افغانستان کې د قطر د سفیر په توګه ټاکل شوی یم.

د بهرنیو چارو وزیر د افغانستان د سولې خبرو اترو په برخه کې د قطر د کوربه توب او هلو ځلو ستاینه وکړه.

د قرغیزستان له نوې سفیر سره د بهرنیو چارو وزیر د پېژندګلوئ لیدنه

کابل – د افغانستان اسلامي جمهوریت د بهرنیو چارو وزیر جلالتمآب صلاح الدین رباني په کابل کې د قرغیزستان جمهوریت له نوې سفیر ښاغلي نیازاوف میراسلاو سره وکتل.

ښاغلي رباني د قرغیزستان جمهوریت د جمهور رئیس او د بهرنیو چارو وزیر څخه د دوی د ژمنو پلې کولو او د سفارت په کچه د ډيپلوماتیکو اړیکو د لوړولو له امله مننه وکړه.

د قرغیزستان نوي سفیر د بهرنیو چارو وزیر ته د خپل باور لیک کاپي وړاندې کړه او په افغانستان کې يې د تلپاتې سولې هېله څرګنده کړه.

د استرالیا له نوې سفیر سره د بهرنیو چارو وزیر د پېژندګلوئ لیدنه

کابل – د افغانستان اسلامي جمهوریت د بهرنیو چارو وزیر جلالتمآب صلاح الدین رباني په کابل کې د استرالیا له نوې ګومارل شوې سفیر ښاغلي جیوفري پيټر توت سره وکتل.

ښاغلي پيټر توت د بهرنیو چارو وزیر ته د خپل باور لیک نسخه وړاندې کړه او له افغانستان سره يي د خپل هېواد د همکاریو پر دوام ټینګار وکړ.

د هېواد د بهرنیو چارو وزیر د آسترالیا هېواد د مرستو او همکاریو څخه مننه وکړه.

د هند سفیر سره د بهرنیو چارو وزیر لېدنه

کابل – د افغانستان اسلامي جمهوریت د بهرنیو چارو وزیر جلالتمآب صلاح الدین رباني په کابل کې د هند جمهوریت سفیر ښاغلي ویني کمار سره، ولېدل.

د بهرنیو چارو وزیر د هغه هېواد سفیر ته، هند لخوا سپوږمۍ ته د دویمې سپوږمکۍ د لېږلو په خاطر مبارکي ورکړه. دواړو لورو په نړیوالو سازمانونو کې د همکاریو ځواکمنول، د سیمه ایزو مسئلو او د سولې پروسې په تړاو بحث وکړ اوخپل  نظریات ېې سره مبادله کړل.

د چین بهرنیو چارو وزارت د بهرني امنیت کمېشنر سره د بهرنیو چارو وزیر لېدنه

کابل -  دافغانستان ا. ج. د بهرنیو چارو وزیر جلالتمآب صلاح الدین رباني، د چین د خلکو جمهوریت د بهرنیو چارو وزارت د بهرني امنیت کمېشنر ښاغلي چینګ ګوپېنګ سره،  ولېدل.

دواړو لورو امنیتي د دوه اړخیزو همکاریو، ترهګرۍ سره د مبارزې، د سولې پروسې او د جمهوري ریاست د راتلونکو ټاکنو په اړه خبرې وکړې.

د چین بهرنیو چارو وزارت د بهرني امنیت کمېشنر، د یوه لوړ پوړي پلاوي په مشري، د افغانستان له امنیتي مقاماتو سره لېدنې لپاره کابل ته سفر کړی دئ.

Go to top