هرات – د ا.ا. ج. د بهرنیو چارو وزارت سیاسي معین ادریس زمان د افغانستان او ترکمنستان ترمنځ په دوه اړخیزه ناسته کې ، چې په هرات ولایت کې د دواړو هېوادونو د لوړپوړو  مقاماتو په ګډون جوړه شوې وه، ګډون وکړ.

پدې ناسته کې دواړو لورو د برېښنا د انرژۍ، د رېل پټلۍ، غازو، سوداګرۍ او د نساجۍ په برخو کې د دوه اړخیزو اړیکو په اړه بحث وکړ او نظریات ېې سره تبادله کړل او په پای کې د تورغنډۍ – هرات د ریل پټلۍ پروژي د ځېرنې، ډېزاین او جوړولو او همدغه راز د رېل پټلۍ پروژې تمویلولو لپاره د ملاتړ راجلبولو تفاهم یادښت په تړاو دوه  تفاهم یادښتونه،  د افغانستان د ترانسپورټ وزارت د ریل پټلۍ ادارې او د ترکمنستان د صنعت او ارتباطاتو وزارت د ریل پټلۍ آژانس ترمنځ د دواړ هېوادونو د لوړپوړ‎ي پلاوي په شتون کې، لاسلیک شول..

هرات - د بهرنیو چارو وزارت سیاسي معین ادریس زمان د  ترکمنستان د وزیرانو کابینې مرستیال رئیس او د بهرنیو چارو وزیر  ښاغلي رشید مره دُف سره ولېدل .

 دواړو لورو د دوه اړخیزو اړیکو، په نږدې راتلونکې کې په کابل او عشق اباد کې د سیاسي سلامشورو د ناستې دایرولو، د اقتصادي اړیکو او فرهنګي همکاریو غځولو، د تورغونډۍ – هرات د ریل پټلۍ جوړولو تفاهم یادښت او د ریل پټلۍ پروژې تمویلولو لپاره د ملاتړ جلبولو تفاهم یادښت،  دواړو هېوادونو ترمنځ د تعهداتو څارنې او عملي کولو د میکانیزم جوړولو، د افغانستان د خلکو او دولت په مشرۍ او مالکیت د سولې پروسې، او د جمهوري ریاست د ټاکنو په تړاو خبرې وکړې.

 د دې ناستې په پای کې ، ښاغلي مره دُف د کډوالۍ د نړیوال سازمان د لوی رئیس د مرستیالۍ په مقام کې د ډوکتور ثریا دلیل نوماندیدو څخه ملاتړ  په اړه د خپل هېواد له پرېکړې څخه هم خبر ورکړ.

 کابل - سولې او پیوستون لپاره د افغانستان او پاکستان د عمل پلان د مشرتابه کمېټې یا  APAPPS د هوکړو پرمخ وړلو ناسته د افغانستان اسلامي جمهوریت د بهرنیو چارو وزارت د سیاسي معین په مشرۍ او د اړوند ادارو د معینانو او استازو په ګډون دایره شوه.

ښاغلي زمان پاکستان ته دخپل وروستي سفر په اړه چې سولې او پیوستون لپاره د افغانستان او پاکستان د عمل پلان یا د  APAPPS په اډانه کې ترسره شوئ ول او همدغه شان د افغانستان او پاکستان د سرمشرانو د لېدنې په تړاو چې د سعودي عربستان په جده ښار کې تر سره شوه، ګډونوالو ته مالومات وړاندې کړل.

ورپسې، د سوداګرۍ، د کډوالو او بیرته راستنیدونکوچارو، د عدلېې او کورنیو چارو وزارتونو معینانو او اړوند ادارو استازو APAPPS لپاره خپل راتلونکي پلانونه وړاندې کړل.

پدې ناسته کې په نږدې راتلونکي پاکستان اسلامي جمهوریت ته د هېواد دجمهور رئیس سفر سره اړوند موضوعاتو په تړاو هم بحث او خبرې وشوې.

کابل – د ا. ا. ج. د بهرنیو چارو وزارت سیاسي معین ادریس زمان، په کابل کې د سعودي عربستان د شاهي هېواد سفیر ښاغلي جسیم محمدالخالدي سره ولېدل.

ښاغلي زمان د سولې خبرو اترو ، د سولې مشورتي جرګې د پایلو او د کابل پروسې د دریمې ناستې په تړاو چې ټاکل شوې ده په نږدې راتلونکې کې دایره شي مالومات وړاندې کړل او په مکه معظمه کې د علماو د ناستې دایریدو په تړاو د سعودي عربستان شاهي هېواد څخه د هغوی د وروستیو هلو ځلو په خاطر قدرداني وکړه.

دواړو لورو په دوه اړخیزو اړیکو،  په مکه معظمه کې د علماو په ناسته، سعودي عربستان ته د جمهور رئیس په سفر او په اقتصادي همکاریو باندې  بحث وکړ.

کابل – د ا.ا. ج. د بهرنیو چارو وزارت د سیاسي معین ادریس زمان په کوربه توب  ناسته، چې  د افغانستان سولې لپاره د امریکا متحده ایالاتو د استازی ښاغلي زلمي خلیل زاد ، د چين د خلکو جمهوریت، د هند جمهوریت، د فدراتیفی روسېې هېوادونو د سفیرانو او د سیمې هېوادونو د سفیرانو او استازو ګډون درلود، دایره شوه.

ښاغلي زمان میلمنو ته د ښه راغلاست ویلو په ترڅ کې، سولې او له طالبانو سره  د خبرو اترو په تړاو د ښاغلي خلیل زاد له هلو ځلو ستینه وکړه او د سولې د خبرو اترو په بهیر کې د سیمې هېوادونو د لا ډېر رول د درلودلو غوښتونکی شو. سیاسي معین د سولې په بهیر کې د سیمې هېوادونو د ونډې اخېستو په خاطر هڅولو لپاره د افغانستان له هلو ځلو یادونه وکړه او د استانبول پروسې – اسیا زړه د سرمشرانو ناستې او اسلام اباد ته ېې خپل وروستۍ سفر چې د ( سولې او همبستګۍ لپاره د افغانستان او پاکستان عمل پلان) په اډانه کې  ترسره شوئ ول د دې ډول هلو ځلو بیلګې وبللې.

ښاغلي خلیل زاد هم طالبانو سره د خپلو مذاکراتو د شپږم پړاو په تړاو سیاسي معین او ګډونوالو ته مالومات وړاندې کړل. هغه وویل چې د ده او طالبانو ترمنځ د مذاکرو په شپږم پړاو کې پرمختګونه شوي دي او زیاته ېې کړه : افغانستان کې سولې څخه د سیمې هېوادونو ملاتړ کولای شي دغه بهیر ګړندی کړي او پدې پروسه کې د سیمې د هېوادونو د لاډېرې همغږۍ او د همکاریو غوښتونکۍ شو.

 کابل - سوله او په دې  بهیر کې د ښځو رول  تر سرلیک لاندی مشورتي ناسته ، د افغانستان اسلامي جمهوریت د بهرنیو چارو وزارت د سیاسي معین ادریس زمان په مشرۍ،  افغانستان لپاره د فدرال آلمان د دولت د ځانګړي استازي ښاغلي مارکس پوتزل په ګډون چې د ښځو استازو او د افغانستان د مدني ټولنې فعالانو هم پکې شتون درلود، پدې وزارت کې دایره شوه.

 سیاسي معین د سولې پروسې د وروستیو تحولاتو او پدې بهیر کې د ښځو د رول په اړه مالومات ورکړل او زیاته ېې کړه: د دولت او د طالبانو ډلې ترمنځ په خبرو اترو کې به د وروستیو ۱۸ کلونو لاسته راوړنې په جدي توګه وساتل شي او همدغه راز په هېواد کې د ښځو د حقونو ساتنه به د سولې د خبرو اترو یوه سره کرښه وي.

ښاغلي پوتزل هم په خپله  وینا کې،  په هېواد کې د سولې  له پروسی څخه ملاتړ او پدې بهیر کې د آلمان د رول یادولو په ترڅ کې زیاته کړه : آلمان دولت هم د سولې په پروسه کې د افغان ښځو د ښکاره  رول  او په سوله کې د ښځو د حقونو د ساتنی غوښتونکی دئ.

اسلام آباد – د دواړو لورو پنځګونو کمېټو رئیسانو  پدې سند بنا شوي هغه اجراآت چې د ۲۰۱۸ کال په جولای  کې د هغې په مخکېنۍ ناسته کې ترسره شوي وو وڅېړل.

 بیا وروسته، د پروژو او پروګرامونو په پلې کولو کې موجودې ستونځې بحث لاندې ونېول شوې، او دواړو لورو ژمنه وکړه څو هغو ته رسیدګي وکړي. دواړو لورو د مواردو نوملر چې اړینه ده په راتلونکي کې پلې شي تر بحث لاندې ونېول.

نوموړې ناسته د دواړو هېوادونو د بهرنیو چارو وزارتونو د سیاسي معینانو په کچه دایره شوه.    

کابل – د بهرنیو چارو وزارت ویندوی صبغت الله احمدي په یوې خبري ناسته کې  پاکستان اسلامي جمهوریت ته د دې وزارت د سیاسي معین ښاغلي ادریس زمان په مشرۍ د افغانستان پلاوي د سفر، کابل ته، افغانستان کې سولې لپاره  د امریکا متحده ایالاتو د ځانګړي استازی ښاغلي زلمي خلیل زاد د وروستي سفر  او دغه راز  افغانستان او پاکستان لپاره د آلمان د ځانګړي استازي مارکوس پوتزل د سفر په اړه مالومات ورکړل.

ښاغلي احمدي پاکستان د سیمې یو مهم هېواد وباله  او ټولو هېوادونو سره په تېره بیا پاکستان اسلامي جمهوری سره ېې د روغو او ټینګو اړیکو درلودلو لپاره د افغانستان اسلامي جمهوریت پر پالېسۍ ټینګار وکړ. ده هيله څرګنده کړه  چې د افغانستان هلې ځلې په ځانګړې توګه د افغانستان د پلاوي وروستۍ سفر    پاکستان لخوا د عملي ګامونو پورته کولو پېلامه وي.

ښاغلي احمدي  افغانستان کې سولې راوستو لپاره د هغوی د هلو ځلو په خاطر قطر څخه د مننې څرګندولو  په ترڅ کې،  د ا. ا. ج. دولت  او د طالبانو د  استازو  ترمنځ د سولې خبرو اترو کوربه توب لپاره د اندونیزیا، اوزبیکستان او آلمان هېوادونو چمتوالي څرګندولو څخه هم یادونه وکړه.

برلین - د ا. ا. ج. د بهرنیو چارو وزارت د بهرنیو چارو وزارت سیاسي معین ادریس زمان په برلین کې د اقلیم او امنیت د نړیوالی ناستې په څنډه کې د آسیا او پاسیفیک په چارو کې د بریتانیا دولت وزیر ښا غلي مارک فیلډ سره ولیدل.

دواړو لورو د دواړو هېوادونو ترمنځ د همکاریو، د افغانستان سیاسي او امنیتي حالاتو، د افغانستان د خلکو او دولت په مشرۍ  او مالکیت د سولې د پروسي ، او د کابل پروسی د دریمی ناستې، د جمهوري ریاست د راتلونکو ټاکنو او په نږدی راتلونکې کې بریتانیا ته د افغانستان اسلامي جمهوریت جمهور رئیس د سفر په تړاو خبرې وکړې او نظرېې ېې سره شریکې کړې ،

برلین – د ا. ا. ج. د بهرنیو چارو وزارت سیاسي معین ادریس زمان د اقلیم او امنیت په  نړیوالی ناسته کې  چې په برلین ښار کې د آلمان فدرال د جمهوري دولت د بهرنیو چارو وزارت په کوربتوب  دایر شو ګډون وکړ او د افغانستان په استازیتوب ېې په خوارځواکه او کمتوانه دولتونو کې د امنیت او اقلیمي اغیزمنتیاو په تړاو خبرې وکړې.

ښاغلي زمان په خپلو خبرو کې د وچکالۍ ، د اقلیمي بدلونونو له مستقیمو اغیزو او  په کمځواکه او پرېوتونکو دولتونو کې د ناامنیو په ډېرولو کې د هغوی له رول څخه یادونه وکړه  او په ملي، سیمه ایزه او نړیوالواله برخو کې ېې  ژوند چاپېریال څخه ساتنی لپاره د افغانستان دولت اقداماتو په تړاو خبری وکړې.